SAHAR

اسلام آباد سے موصولہ رپورٹ کے مطابق پاکستانی وزارت خارجہ نے ایک بیان جاری کرکے جنرل قاسم سلیمانی کو شہید کرنے کے امریکا کے دہشت گردانہ حملے کو تشویشناک قرار دیا ہے ۔ پاکستانی وزارت خارجہ نے اپنے بیان میں کہا ہے کہ امریکا کا یہ اقدام خطے میں بے ثباتی کا عامل ہے ۔ 

پاکستانی وزارت خارجہ نے اپنے بیان میں کہا ہے کہ جنرل قاسم سلیمانی کو شہید کرنے کے امریکی اقدام نے خطے کے امن و سلامتی کو خطرے میں ڈال دیا ہے۔ 

ہندوستان کی وزارت خارجہ نے بھی ایک بیان جاری کرکے امریکا کے اس اقدام کو خطے میں کشیدگی اور عدم استحکام کا باعث قرار دیا ہے۔ 

ہندوستان کی وزارت خارجہ نے کہا ہے کہ مغربی ایشیا میں امن و استحکام بہت زیادہ اہمیت رکھتا ہے اور اس علاقے میں کشیدگی کا بڑھنا تشویشناک ہے۔ 

افغانستان کے چیف ایکزیکٹیو عبداللہ عبداللہ نے جنرل قاسم سلیمانی کی شہادت پر ایران کی حکومت اور عوام کو تعزیت پیش کی ہے جبکہ افغان صدر اشرف غنی نے کہا ہے وہ اپنے ملک کی سرزمین کو کسی بھی بیرونی طاقت کو کسی کے خلاف استعمال کرنے کی اجازت نہیں دیں گے۔