SAHAR

مقامی خبر رساں ادارے طلوع نیوز کے مطابق بدقسمت طیارہ ہرات سے کابل جارہا تھا کہ صوبہ غزنی کے ضلع دیہہ یک میں گر کر تباہ ہوا ہے۔ طیارے میں تراسی مسافر اور عملے کے اراکین سوار تھے اور حادثے کے نتیجے میں ہلاکتوں کا اندیشہ ہے۔غزنی کی صوبائی کونسل کے رکن خالق داد اکبری نے طیارہ حادثے کی تصدیق کرتے ہوئے مرکزی حکومت سے امداد کی اپیل کی ہے۔ کہا جارہا ہے طیارہ غزنی صوبے کے جس علاقے میں گرا ہے  وہ اس وقت طالبان کے کنٹرول میں ہے۔طیارہ حادثے کی وجوہات کے بارے میں افغان حکام نے فوری طور پر کوئی بیان جاری نہیں کیا۔