30 لاکھ افغان باشندوں کو طبی امداد کی ضرورت: عالمی ادارہ صحت
Apr ۲۷, ۲۰۲۰ ۰۹:۳۲ Asia/Tehran
عالمی ادارہ صحت کا کہنا ہے کہ افغانستان میں جنگ اور قدرتی آفات سے متاثر ہونے والے 30 لاکھ سے زائد افغان باشندوں کو طبی امداد کی فوری ضرورت ہے۔
تسنیم خبررساں ایجنسی کی رپورٹ کے مطابق عالمی ادارہ صحت نے کل اپنی ایک رپورٹ میں کہا ہے کہ صرف جنوری کے مہینے میں ہونے والی جھڑپوں میں افغانستان کے 15 صوبوں سے 11 ہزار 390 افراد اپنا گھر بار چھوڑنے پر مجبور ہوئے۔
اس رپورٹ کے مطابق اس ماہ تقریبا 22 ہزار افراد قدرتی آفات سے متاثرہوئے جبکہ 24 افراد جاں بحق اور متعدد زخمی ہوئے۔ جنوری کے مہینے میں افغانستان کے طبی مراکز پر7 بار حملے ہوئے جس کی وجہ سے 16 طبی مراکز بند ہو ئے اور متعدد افراد ان حملوں جاں بحق و زخمی ہوئے۔
واضح رہے کہ افغانستان، زلزلہ، سیلاب، لینڈ سلائڈنگ اور برفانی تودے گرنے کے واقعات کی زد پر ہے۔
