طالبان نے 3 روزہ جنگ بندی کا کیا اعلان
May ۲۴, ۲۰۲۰ ۰۹:۲۲ Asia/Tehran
طالبان نے عید سعید فطر کے موقع پر کل رات 3 روزہ جنگ بندی کا اعلان کیا۔
طالبان کے ترجمان ذبیح الله مجاهد نے ایک بیان جاری کرتے ہوئے کہا کہ اس گروہ کے عناصر تین دن تک حکومت کے خلاف کسی بھی قسم کی کوئی کارروائی نہیں کریں گے۔
طالبان کے ترجمان کا کہنا تھا کہ اگر سرکاری فورسز نے طالبان پر حملہ کیا تو طالبان اپنا دفاع کرنے کا حق رکھتے ہیں۔
ذبیح الله مجاهد نے کہا کہ سرکاری فورسز طالبان کے زیر کنٹرول علاقوں میں نہیں آ سکتے۔
افغانستان کی حکومت کی جانب سے ابھی تک طالبان کے اس 3 روزہ یکطرفہ جنگ بندی پر کوئی رد عمل سامنے نہیں آیا ہے۔
