SAHAR

شام کے عوام نے امریکی فوجی کانوائے کو پسپائی اختیار کرنے پر مجبور کر دیا

 شام کی سرکاری نیوز ایجنسی سانا کی رپورٹ کے مطابق صوبہ الحسکہ کے علاقے الرمیلان کے ایک دیہات حربہ بینان کے لوگوں نے امریکی فوجی کانوائے کو اپنے دیہات سے گزرنے نہیں دیا اور پتھر مارکے اور نعرے بازی سے انھیں پیچھے ہٹنے پر مجبور کردیا۔ اس سے قبل تل تمر کے علاقے میں تعینات شامی فوجیوں نے ایک امریکی فوجی کانوائے کو پیچھے ہٹنے پر مجبور کردیا تھا۔ امریکہ اور اس کے اتحادی ممالک کے فوجی شام کی قانونی حکومت کی اجازت کے بغیر اس ملک میں موجود ہیں اور دندناتے پھرتے ہیں۔

شام میں امریکی فوج کی موجودگی کا مقصد اس ملک کے تیل اور قدرتی ذخائر کی لوٹ کھسوٹ کرنا ہے۔دمشق نے بارہا اعلان کیا ہے کہ شام میں امریکہ اور اس کے اتحادیوں کی موجودگی اور اقدامات اس ملک پر غاصبانہ قبضے کے مترادف ہے۔