قیام امن کے لئے علاقائی ممالک کا تعاون ضروری: افغانستان
Jul ۰۶, ۲۰۲۰ ۲۰:۰۵ Asia/Tehran
افغانستان کی اعلی قومی مفاہمتی کونسل کے چیئرمین عبداللہ عبداللہ نے ملک میں جنگ کے خاتمے اور قیام امن کے لئے کوششیں جاری رکھنے پر تاکید کی ہے۔
عبداللہ عبداللہ نے کابل میں پاکستان کے سفیر زاہد نصراللہ خان سے گفتگو میں قیدیوں کے تبادلے اور امن مذاکرات کے بارے میں افغانستان کی اعلی مفاہمتی کونسل کے چیئرمین کی حیثیت سے اپنے نظریات پیش کرتے ہوئے کہا کہ افغانستان میں قیام امن کے لئے پاکستان اور علاقے کے ملکوں کی بھرپور حمایت کی ضرورت ہے۔
انہوں نے دورہ پاکستان کے لئے پاکستانی سفیر کے دعوت نامے کو قبول کرتے ہوئے کہا کہ وہ مناسب موقع پر اسلام آباد کا دورہ کریں گے۔
اس ملاقات میں پاکستان کے سفیر نے بھی کہا کہ اسلام آباد افغانستان میں قیام امن کے لئے کابل کی ہر ممکن مدد کرنے کے لئے آمادہ ہے۔
