ہم اپنی اسٹریٹجک خودمختاری برقرار رکھیں گے: ہندوستان

Feb ۱۵, ۲۰۲۶ ۱۶:۴۲ Asia/Tehran

ہندوستان کے وزیر خارجہ نے میونیخ میں کہا کہ ہندوستان کی ترجیح توانائی کی سلامتی ہے اور ہم اپنی اسٹریٹجک خودمختاری برقرار رکھیں گے۔

سحرنیوز/ہندوستان: ہندوستان کے وزیر خارجہ جے شنکر نے میونخ میں کہا کہ ہندوستان کی تیل کمپنیاں، خواہ سرکاری ہوں یا نجی، مارکیٹ کے رجحان کو دیکھ کر فیصلہ کرتی ہیں۔ ہماری ترجیح توانائی کی سلامتی ہے اور ہم اپنی اسٹریٹجک خودمختاری برقرار رکھیں گے۔

امریکہ کے ساتھ تجارتی معاہدے کے بعد یہ دعوی کیا جا رہا تھا کہ ہندوستان امریکی دباؤ میں آ گیا ہے اور اب روس سے تیل نہیں خریدے گا۔اپوزیشن بھی حکومت سے وضاحت کا مطالبہ کر رہی تھی۔ لیکن اب وزیرِ خارجہ ایس جے شنکر نے کھل کر کہہ دیا ہے کہ ہندوستان کسی کے دباؤ میں آنے والا نہیں ہے۔

ہمیں فالو کریں:

میونیخ سیکورٹی کانفرنس ایم ایس سی میں " دہلی ڈیسائڈس "موضوع پر گفتگو کے دوران جے شنکر نے واضح کیا کہ ہندوستان اپنی توانائی کی ضروریات کے لیے تیل کہاں سے خریدے گا، اس کا فیصلہ صرف ہندوستان کرے گا۔ قومی مفاد کی بنیاد پر ہی فیصلے کیے جائیں گے۔