مراکش کی جمہوری صحرا کو وارننگ
Nov ۱۷, ۲۰۲۰ ۱۴:۰۸ Asia/Tehran
شاہ مراکش نے کہا ہے ملک کی سالمیت کو لاحق ہر خطرے کا بھرپورجواب دیا جائے گا
مراکش کے بادشاہ نے اقوام متحدہ کے سیکرٹری جنرل سے ٹیلیفونک گفتگو کے دوران مغربی صحرا میں ملک کی سالمیت کو لاحق ممکنہ خطرے کا بھرپور جواب دینے کا عزم ظاہر کیا ہے۔
اطلاعات کے مطابق مغربی صحرا میں مراکش اور پولیساریو فرنٹ کے درمیان بڑھتے ہوئے تناؤ کے پیش نظر محمد ششم نے خبردار کیا ہے کہ ہم جنگ بندی کے پابند ہیں تاہم ہمارے ہم وطنوں کو کسی قسم کا خطرہ لاحق ہوا تو ہم اپنے دفاع کے قانونی حق کے تحت بھرپور جواب ديں گے۔
پولیساریو محاذ نے اعلان کیا ہے کہ مراکش 1991 کی جنگ بندی کے معاہدے کا پابند نہیں ہے لہذا فرنٹ کی جانب سے مراکشی فوج کے ٹھکانوں پر حملے جاری رہیں گے۔
