کابل میں امریکی سفارتخانے کے قریب راکٹ حملے، درجنوں جاں بحق و زخمی
Nov ۲۱, ۲۰۲۰ ۱۱:۰۵ Asia/Tehran
افغانستان کے دارالحکومت کابل میں امریکی سفارتخانے کے قریب کئی راکٹ حملے ہوئے جس کے بعد سائرن بجنے کی آوازیں گونجنے لگیں۔
افغان دارالحکومت کابل سے ہمارے نمائندے کی رپورٹ کے مطابق آج صبح شہر دھماکوں کی آواز سے گونج اٹھا، کابل میں مختلف مقامات پر ہوئے دھماکوں اور راکٹ حملوں کے نتیجے میں 3 افراد جاں بحق اور 11 زخمی ہوگئے۔
بعض ذرائع کے مطابق جاں بحق ہونے والوں کی تعداد 6 ہے جبکہ 24 زخمی ہیں۔
کابل میں راکٹ حملوں سے قبل مختلف مقامات پر 2 دھماکے بھی ہوئے، جن میں ایک پولیس اہلکار جاں بحق اور 3 زخمی ہو گئے۔
