افغانستان کے صوبے پکتیا میں ہونے والے کاربم دھماکے میں 22 افراد جاں بحق و زخمی ہو‏ئے ۔

طلوع نیوز کی رپورٹ کے مطابق صوبہ پکتیا کے گورنر ہاوس کے ترجمان عبدالرحمان منگل نے کہا کہ گردیز شہر میں ہونے والے اس کاربم دھماکے میں 3 افغان فوجی جاں بحق اور 19 زخمی ہوئے۔

ہر چند کہ ابھی تک اس دھماکے کی ذمہ داری کسی نے قبول نہیں کی تاہم افغانستان کے صوبوں خوست ، پکتیا اور پکتیکا میں طالبان اور حقانی نیٹ ورک کے دہشتگرد عناصر بڑی تعداد میں موجود ہیں۔