SAHAR

افغانستان میں طالبان عناصر نے صوبۂ غزنی میں ہزارہ قوم کے مزید اکیس افراد کو اغوا کر لیا۔

خبروں کے مطابق  طالبان عناصر نے دشت قرہ باغ میں قرہ - جاغوری کے راستے میں ہزارہ مسافروں کی کئی گاڑیوں کو روک کر ان میں سوار مسافروں کو اغوا کر لیا۔

ایک روز قبل بھی طالبان نے تمکی، نی قلعہ اور گاومردہ کے علاقوں سے دس سے زائد  ہزارہ مسافروں کو اغوا کر کے انہیں نامعلوم مقام پر منتقل کر دیا تھا۔

افغانستان میں طالبان کے زیر قبضہ راستے مسافروں کے لئے خطرناک شمار ہوتے ہیں جہاں طالبان کبھی بھی گاڑیوں پر حملہ کر کے مسافروں کو اغوا کر لیتے ہیں جبکہ طالبان کا یہ اقدام عام شہریوں میں اس گروہ سے نفرت و بیزاری کا باعث بنا ہوا ہے۔