سعودی عرب کو یمن کی بڑی دھمکی، وہاں ماریں گے جہاں سوچا بھی نہيں ہوگا
یمن کی قومی سالویشن حکومت کی اعلی سیاسی کونسل کے ایک رکن نے کہا ہے کہ یمن پر حملے اور محاصرے جاری رہنے کی صورت میں، سعودی اتحاد کے ٹھکانوں پر شدید حملے کئے جائیں گے۔
فارس نیوز ایجنسی کی رپورٹ کے مطابق ، یمن کی قومی سالویشن حکومت کی اعلی سیاسی کونسل کے ایک رکن محمد علی الحوثی نے یمن کے خلاف حملے اور محاصرہ جاری رہنے کی بابت خبردار کیا۔
یمن کی انصاراللہ تحریک کے دو کمانڈروں پر امریکہ کی وزارت خزانہ کی نئی پابندیوں کی طرف اشارہ کرتے ہوئے انہوں نے ٹوئٹ کیا کہ ان مجاہدین پر پابندی انہیں خوف زدہ نہیں کرسکتی ہے اور اگر آپ کے حملے اور محاصرے جاری رہے تو سعودی اتحاد کے رکن ممالک کے ان اہداف کو نشانہ بنایا جائے گا جن کے بارے میں اس نے سوچا بھی نہ ہوگا۔
واضح رہے کہ جمعرات کو امریکی وزارت خزانہ نے یمنی فوج کے دو کمانڈروں ، محمد عبد الکریم الغماری اور یوسف المدنی پر پابندی عائد کرتے ہوئے ان پر دہشت گردی اور امریکی شہریوں، امریکی قومی سلامتی اور امریکی معیشت کے لئے خطرے کا الزام عائد کیا تھا۔
