افغانستان: بدخشاں، شہر فیض آباد میں شدید جنگ
Jul ۰۲, ۲۰۲۱ ۱۸:۰۶ Asia/Tehran
افغانستان کے صوبے بدخشان میں طالبان اور افغان فوجیوں کے درمیاں گھمسان کی جنگ ہو رہی ہے۔
آوا نیوز ایجنسی کی رپورٹ کے مطابق افغانستان کی پارلیمنٹ میں بدخشاں کے نمائندے کا کہنا ہے کہ صوبے بدخشان کے شہر فیض آباد کے آٹھویں زون پر طالبان کے شدید حملے کے بعد اس شہر کی پانچ سیکورٹی چوکیاں سقوط کر گئی ہیں۔
رپورٹ کے مطابق اس حملے میں آٹھ سیکورٹی اہلکار ہلاک اور گیارہ زخمی ہوئے ہیں جبکہ چوبیس دیگر سیکورٹی اہلکاروں کو طالبان نے قیدی بنالیا۔
افغانستان میں جنگ ، بدامنی اور خونریزی اس ملک میں امریکہ کی بیس سالہ فوجی موجودگی کا نتیجہ ہے۔
افغانستان میں طالبان نے گذشتہ دو ماہ کے دوران دسیوں علاقوں پر قبضہ کرلیا ہے اور بہت سے علاقوں میں اس گروہ اور افغان فوج کے درمیان گھمسان کی جنگ ہو رہی ہے۔
