SAHAR

حکومت کابل نے اعلان کیا ہے کہ افغانستان کے اقتدار میں طالبان کو مشروط طور پر شامل کیا جا سکتا ہے۔

فرانس پریس کی رپورٹ کے مطابق دوحہ مذاکرات میں شریک حکومت افغانستان کے ایک باخبر ذریعے نے جمعرات کے روزکہا ہے کہ کابل نے تشدد کا سلسلہ ختم کرنے کے عوض طالبان کو مشروط طور پر اقتدار میں شامل ہونے کی پیشکش کی ہے۔

اس ذریعے کا کہنا ہے کہ حکومت افغانستان نے قطر کے ذریعے طالبان کو تجویز پیش کی ہے کہ وہ تشدد کا راستہ ترک کرنے کی صورت میں افغانستان کے اقتدار میں شامل ہو سکتے ہیں۔

اس تجویز سے متعلق ابھی افغان حکومت کا کوئی ردعمل سامنے نہیں آیا ہے۔