SAHAR

صیہونی فوجیوں نے غرب اردن کے علاقوں پر حملہ کیا ہے۔

العھد ویب سائٹ کے مطابق فلسطینی ذرائع نے اعلان کیا ہے کہ غرب اردن کے کچھ علاقوں پر صیہونی فوجیوں کے حملے کے بعد فلسطینیوں کے ساتھ انکی شدید جھڑپیں شروع ہوگئیں۔

ذرائع کے مطابق صیہونیوں نے اس حملے میں فلسطینیوں پر فائرنگ کی اور کئی فلسطینیوں کو گرفتار بھی کرلیا۔

جمعے کو بھی صیہونی فوجیوں نے نابلس میں واقع بیتا کالونی میں فلسطینی مظاہرین پر دھاوا بول دیا تھا جس کے نتیجے میں ایک فلسطینی شہید اور چالیس زخمی ہوگئے تھے۔

صیہونی فوجیوں کے دشمنانہ اقدامات ایسے عالم میں جاری ہیں کہ اس سے قبل فلسطینی استقامتی گروہ، غرب اردن اور بیت المقدس میں صیہونیوں کے جارحانہ اقدامات کے بارے میں خبردار کر چکے تھے۔