شام، امرکی فوجیوں کی ہیلی برن آپریشن، 3 شامی شہری ہلاک
امریکی فوجیوں کے ہیلی برن کے دوران تین شامی شہری ہلاک ہوگئے۔
فارس نیوز ایجنسی کی رپورٹ کے مطابق شامی ذرائع نے مشرقی دیر الزور صوبے میں غاصب امریکی فوجیوں کے ہیلی برن میں تین عام شہریوں کی ہلاکت کی خبر دی ہے۔
ذرائع کا کہنا ہے کہ غاصب امریکی فوجیوں نے مشرقی دیر الزور کے الشحیل گاؤں میں ہیلی برن آپریشن انجام دیا جس میں تین عام شہری ہلاک ہوگئے۔
شام کی سرکاری خبر رساں ایجنسی سانا نے رپورٹ دی ہے کہ اتوار کی صبح امریکی فوج کے کمانڈوز نے مشرقی دیر الزور کے نواحی علاقے الشحیل گاؤں میں ہیلی کاپٹر سے ہیلی برن آپریشن انجام دیا جس میں انہوں نے زرعی زمینوں اور گھروں پر وسیع پیمانے پر فائرنگ کی جس میں تین شہری ہلاک ہوگئے۔
گزشتہ جمعرات کو بھی کرد ڈیموکریٹ آرمی کے مسلح جنگجوؤں نے غاصب امریکی فوجیوں کی حمایت سے دیر الزور کے بسیتین اور الجاسمی گاؤں کا محاصر کر لیا اور متعدد عام شہریوں کو اغوا کرکے نا معلوم جگہ پر منتقل کر دیا۔
