SAHAR

افغانستان کے صوبہ کنر میں نامعلوم مسلح افراد کے حملے میں طالبان کے ایک کمانڈر سمیت چھے افراد ہلاک ہوگئے ہیں۔

ہمارے نمائندے کی رپورٹ کے مطابق مشرقی افغانستان میں طالبان کی عبوری حکومت کے ادارہ انٹیلیجنس کے سربراہ نے بتایا ہے کہ بدھ کو صوبہ کنر کے ضلع نرنگ میں ہونے والے ایک حملے کے نتیجے میں طالبان کمانڈر، ان کا بیٹا اور چار عام شہری مارے گئے ہیں۔ نامعلوم افراد کی فائرنگ میں تین عام شہری زخمی بھی ہوئے ہیں۔ ایک حملہ آور کو زخمی حالت میں گرفتار کرلیا گیا ہے تاہم اس کی شناخت ظاہرنہیں کی گئی ہے۔