طالبان نے پنجشیر کو فتح کرنے کے لئے مزید فوجی روانہ کردیئے
Feb ۰۴, ۲۰۲۲ ۱۶:۲۹ Asia/Tehran
طالبان گروہ نے صوبہ پنجشیر کے لئے مزید فوجی روانہ کردیئے ہیں۔
افغانستان کا صوبہ پنجشیر افغان حکومت کے لئے ایک چیلنج بنا ہوا ہے ۔
افغانستان کے قومی استقامتی محاذ کے جوان، صوبہ پنجشیر میں کئی بار طالبان فوجیوں کو نشانہ بنا چکے ہیں۔
افغان نیوز ایجنسی شفقنا نے مقامی ذرائع کے حوالے سے رپورٹ دی ہے کہ پنجشیر میں افغانستان کے قومی استقامتی محاذ اور طالبان گروہ کے درمیان ہونے والی حالیہ جھڑپوں کے بعد طالبان نے اس صوبے میں مزید فوجی روانہ کئے ہیں۔
عینی شاہدوں نے ضلع عنابہ کے تاوخ علاقے میں طالبان اور قومی استقامتی محاذ کے درمیان سنگین جھڑپیں شروع ہونے کی خبر دی ہے۔
