فلسطینی نوجوان کی شہادت پسندانہ کارروائی، ایک صیہونی فوجی ہلاک
ایک فلسطینی نوجوان نے شمال مشرقی بیت المقدس میں شہادت پسندانہ کارروائی انجام دے کر ایک صیہونی فوجی کو ہلاک کردیا ہے
سحر نیوز/ عالم اسلام: صیہونی حکومت کے اخبار یدیعوت احارا نوت نے خبردی ہے کہ شمال مشرقی بیت المقدس میں شعفاط کیمپ کے قریب ایک فلسطینی نوجوان کی شہادت پسندانہ کارروائی میں زخمی ہونے والا ایک صیہونی فوجی ہلاک ہو گیا۔
اس سے قبل رپورٹ دی گئی تھی کہ ایک صیہونی فوجی پیر کی رات شمال مشرقی بیت المقدس میں شعفاط کیمپ کے قریب ایک فلسطینی کی جانب سے کی جانے والی فائرنگ میں شدید طور پر زخمی ہو گیا۔
اس رپورٹ کے مطابق صیہونی پولیس نے ہلکے ہتھیار سے کئے جانے والے حملے کے الزام میں یوسف ابو الہوی نامی ایک تیرہ سالہ فلسطینی نوجوان کو گرفتار کر لیا۔
الجزیرہ ٹی وی کی رپورٹ کے مطابق ایک اور صیہونی فوجی اپنے ساتھی کی جانب سے غلطی سے کی جانے والی فائرنگ میں زخمی ہو گیا جسے اسپتال منتقل کر دیا گیا۔
یہ صیہونی فوجی، صیہونی جارحیت کے جواب میں کارروائی انجام دینے والے فلسطینی کو نشانہ بنانے کی کوشش کر رہا تھا کہ اپنے ساتھی کو نشانہ بنا بیٹھا۔
