صیہونی ریاست کا حلب میں فضائی حملہ
Mar ۲۲, ۲۰۲۳ ۰۹:۵۰ Asia/Tehran
غاصب صیہونی ریاست کے جنگی طیاروں نے شام کے علاقوں حلب کو میزائلوں سے حملوں کا نشانہ بنایا ہے جس سے حلب اور النیرب کے ہوائی اڈوں کو نقصان پہنچا ہے۔
سحرنیوز/عالم اسلام: اسپوتنک نیوز کی رپورٹ کے مطابق شام وزارت دفاع نے اعلان کرتے ہوئے کہا ہے کہ صیہونی جنگی طیاروں نے حلب کے بین الاقوامی ائیرپورٹ کے علاوہ النیرب کے فوجی ائیرپورٹ کو میزائل حملوں کا نشانہ بنایا ہے۔
یاد رہے کہ غاصب صیہونی ریاست مسلسل شام کے سویلن اور فوجی اڈوں پر حملے انجام دیتی رہی ہے، گزشتہ ماہ دمشق میں کئے گئے حملے میں 15 افراد ہلاک اور زخمی ہوگئے تھے۔
