فلسطینی مجاہدوں کی کارروائیوں میں شدت، 24 گھنٹے میں 19 حملے
جنین کے مغربی علاقے الحرش سے موصولہ خبروں کے مطابق، فلسطینی مجاہدوں نے صیہونی فوجیوں پر گولیوں کی بوچھار کردی ہے۔
سحرنیوز/عالم اسلام:رپورٹ کے مطابق، فلسطینی مزاحمتی فورس کے جوانوں نے صیہونی فوج کے ایک ڈرون طیارے کو بھی اس وقت گولیوں کا نشانہ بنایا جب یہ ڈرون جنین کیمپ پر پرواز کر رہا تھا۔
فلسطینی نوجوانوں نے رام اللہ کے شمالی مضافات میں بھی صیہونی فوج کے ایک واچ ٹاور کو نذر آتش کردیا۔
دوسری جانب صیہونی آبادکاروں نے البیرہ علاقے میں فلسطینیوں اور ان کی گاڑیوں پر پتھراؤ کیا جس کے نتیجے میں کئی فلسطینی زخمی ہوگئے۔
خبروں کے مطابق، غرب اردن میں صیہونی مخالفت کارروائیاں تھمنے کا نام نہیں لے رہی ہیں۔
فلسطین انفارمیشن سینٹر کے مطابق، گذشتہ چوبیس گھنٹے کے دوران فلسطینی مجاہدوں نے انیس بار صیہونی فوجیوں پر مسلحانہ حملے کا نشانہ بنایا ہے۔
فلسطینی مجاہدوں نے غاصبوں کی بڑھتی؛ جارحیت سے تنگ آکر صیہونی فوجیوں کے خلاف دھماکہ خیز مادوں اور دستی بموں کا بھی استعمال کیا ہے۔
