SAHAR

جنوبی غزہ کے علاقے رفح پر صیہونی وحشیانہ جارحیت میں نو فلسطینی شہید ہوئے ہیں۔

سحر نیوز/ عالم اسلام: فلسطین کی سما نیوز ایجنسی کی رپورٹ کے مطابق غاصب صیہونی حکومت کے جنگی طیاروں نے رفح کے مغرب میں محلہ السلطان میں ایک رہائشی مکان کو نشانہ بنایا ۔

اس رپورٹ کے مطابق اس حملے میں نو فلسطینی شہید اور متعدد دیگر زخمی ہوئے جن میں کئی خواتین اور بچے بھی شامل ہیں۔ اس سے قبل غاصب صیہونی حکومت کی جارح فوج نے رفح کے مشرق میں الشوکہ، صوفا اور المطار اور النہضہ کے اطراف کے علاقوں پر توپخانوں سے شدید گولہ باری کی۔ اس حملے کے ساتھ ساتھ غاصب صیہونی حکومت کے ڈرون طیاروں نے بھی رفح کے مختلف علاقوں کو وحشیانہ جارحیت کا نشانہ بنایا۔