افغانستان کے دارالحکومت کابل میں وزارت داخلہ کی عمارت کے قریب ایک زوردار دھماکہ ہوا ہے۔

سحر نیوز/ عالم اسلام:  ایران پریس نے رپورٹ دی ہے کہ مطابق مقامی وقت کے مطابق آج صبح افغانستان کے دارالحکومت کابل میں وزارت داخلہ کی عمارت کے قریب  اور شیخ زائد ہسپتال کے دروازے کے سامنے ایک زوردار دھماکہ ہوا ہے۔ اس دھماکے کی وجہ اور اس میں ہونے والے ممکنہ جانی نقصان کی ابھی کوئي رپورٹ موصول نہیں ہوئی ہے۔ طالبان کی عبوری حکومت کی جانب سے بھی اس سلسلے میں تفصیلات نہیں بتائی گئی ہیں۔ بعض رپورٹوں سے پتہ چلا ہے کہ آج صبح سے طالبان نے کابل کے بین الاقوامی ایئرپورٹ کے اردگرد گھر گھر تلاشی شروع کر دی ہے۔