SAHAR

بشار الاسد کی حکومت کے خاتمے کے بعد سے جنوبی شام کے مختلف علاقوں میں شام کی سرحد کے قریب غاصب صیہونی بستیوں کی حفاظت کے بہانے صیہونی فوج کی دراندازی معمول بن چکی ہے۔

سحر نیوز/ عالم اسلام:  صیہونی فوج نے مغربی درعا کے مضافات میں یرموک کے علاقے میں جملہ اور صیصون نامی دیہاتوں کے درمیانی علاقے میں دراندازی کی ہے۔ ان فوجیوں نے جملہ گاؤں کے شمال میں وادی الرقاد موڑ پر ایک حفاظتی چوکی قائم کرلی ہے۔ دوسری جانب قنیطرہ کے نواح میں واقع قصبے الرفید میں صیہونی فوجی بعض گھروں میں داخل ہوئے، اس دوران قابضین اور شامیوں کے درمیان جھڑپ شروع ہوگئی اور فوجیوں نے ہوائی فائرنگ کی اور علاقے سے فرار ہوگئے۔ اس کے علاوہ صیہونی فوج قنیطرہ کے دیہی علاقے تل مسحرہ  میں فوجی مراکز کو دھماکے سے اڑانے کے بعد علاقے سے پیچھے ہٹ گئی۔