SAHAR

افغان طالبان نے نگراں حکومت کو مستقل حیثیت دینے کی کوششیں شروع کر دی ہیں۔

سحرنیوز/عالم اسلام: عرب میڈیا کے حوالے سے موصولہ رپورٹ کے مطابق افغانستان کے طالبان رہنما مُلا ہیبت اللّٰہ اخوندزادہ نے فیصلہ کیا ہے کہ افغانستان میں قبائلی سرداروں اور علمائے کرام کا لویہ جرگہ بلایا جائے تاکہ نگراں حکومت کو مستقل حکومت کی حیثیت دی جا سکے۔
افغان قبائل پر مشتمل لویہ جرگے کا مقصد، مستقل حکومت کے قیام کے حوالے سے جواز کا حصول ہے جس کا وعدہ اگست دو ہزار اکیس میں عبوری حکومت کے قیام کے وقت کیا گیا تھا۔ لویہ جرگے کا مطلب قومی سطح پر قبائلی سرداروں کو مذاکرات کے لیے اجلاس میں اکٹھا کرنا ہے۔
اس ممکنہ جرگے کی حتمی تاریخ کا اعلان نہیں کیا گیا ہے، تاہم ایجنڈا کمیٹیوں کی تشکیل کا انتخاب اور منظوری کا عمل قندھار میں طالبان دفتر کی جانب سے انجام دے دیا گیا ہے۔