غزہ کا انتظام کسی اور کے نہیں، صرف فلسطینیوں کے ہاتھ میں ہوگا: خالد مشعل کا اعلان
حماس کے رہنما خالد مشعل نے واضح کیا ہے کہ غزہ کی پٹی کا انتظام صرف اور صرف فلسطینیوں کے ہاتھ میں ہونا چاہیے، اور اس حوالے سے کوئی بھی فیصلہ صرف فلسطینی عوام کو ہی کرنا ہے۔
سحرنیوز/عالم اسلام: اسلامی تحریک حماس کے بیرون ملک سربراہ خالد مشعل نے الجزیرہ ٹی وی چینل کے ساتھ ایک خصوصی انٹرویو میں کہا ہے کہ غزہ کی پٹی کا انتظام سنبھالنے کا فیصلہ صرف فلسطینی عوام کو ہی کرنا چاہیے۔
خالد مشعل نے کہا: غزہ کو امداد کی فراہمی ایک انتہائی ضروری امر ہے اور تحریک کی قیادت اسی کے حصول کے لیے کوشاں ہے۔
انہوں نے مزید کہا: غزہ میں امداد کی ترسیل جنگ کے خاتمے کے سمجھوتے کے دوسرے مرحلے میں داخل ہونے کے لیے بنیادی اہمیت کی حامل ہے۔
حماس کے سربراہ نے اس بات پر زور دیا کہ حقیقی خطرہ اسرائیلی حکومت کی طرف سے ہے نہ کہ غزہ کی طرف سے، اور کہا: غزہ کا انتظام و انصرام فلسطینیوں کے ہاتھ میں ہونا چاہیے اور انہیں ہی غزہ سے متعلق فیصلے کرنے کا اختیار حاصل ہے۔
ہمیں فالو کریں:
Followus: Facebook, X, instagram, tiktok whatsapp channel
مشعل نے اتوار کے روز اپنے ایک ویڈیو پیغام میں بھی کہا تھا کہ غزہ میں موجود مزاحمت اپنے ہتھیار ہرگز نہیں ڈالے گی اور نہ ہی وہ غزہ کی پٹی میں کسی بھی قسم کی بیرونی نگرانی، بشمول بین الاقوامی فورس کی تعیناتی، کو قبول کرے گی۔
