SAHAR

 در ایں اثنا یمن میں عالمی ریڈ کراس کے دفتر کے سرپرست اولویہ شاسو نے ایک بیان میں کہا ہے کہ یہ دفتر تعز کے تمام متحارب فریقوں سے اپیل کرتا ہے کہ وہ ایمبولنسوں اور طبی عملے کے افراد اور ریسکیو ٹیموں کو ضرورت مندوں تک انسان دوستانہ امداد پہنچانے کی اجازت دیں- انہوں نے کہا کہ تعز میں طبی عملوں کو گذشتہ دو ہفتوں کے دوران شدید خطرات کا سامنا رہا ہے اور یہ بات ہرگز قابل قبول نہیں ہے-

 صوبہ تعز میں صحت عامہ کی صورتحال انتہائی ابتر ہوچکی ہے اور بہت ہی کم اسپتال اور طبی مراکز اس صوبے میں موجود ہیں اور ان مراکز کو بھی طبی وسائل کی کمی یا اس کے فقدان کا سامنا ہے جس سے ضرورت مندوں تک خدمات پہنچانے میں مشکل پیش آرہی ہے-
 صنعا سے یمن کی سرکاری نیوز ایجنسی کی رپورٹ کے مطابق اولویہ شاسو نے کہا ہے کہ صوبہ تعز میں ریڈ کراس کے کارکنوں کو بارہا خطرات کا سامنا کرنا پڑا ہے اور وہ مجبور ہوئے کہ ان ہی سخت و دشوار حالات میں اپنی سرگرمیاں جاری رکھیں-