SAHAR

غاصب صیہونی حکومت نے بعض فلسطینی مساجد میں اذان دینے پر پابندی لگا دی ہے۔

ارنا کی رپورٹ کے مطابق غاصب صیہونی حکومت نے فلسطینی مسلمانوں کے خلاف جارحانہ پالیسیوں کا سلسلہ جاری رکھتے ہوئے بعض فلسطینی مساجد خاص طور سے الخلیل میں واقع مسجد ابراہیمی میں اذان دینے پر پابندی لگا دی ہے۔

دریں اثنا فلسطین کی دینی امور و اوقاف کی وزارت نے ایک بیان میں کہا ہے کہ مساجد میں اذان پر پابندی لگانے کا صیہونیوں کا اقدام تمام آسمانی مذاہب کے اصولوں اور بین الاقوامی معاہدوں کے منافی ہے۔ رپورٹ کے مطابق غاصب صیہونیوں نے صرف مسجد ابراہیمی میں اذان دینے پابندی لگانے پر ہی اکتفا نہیں کیا ہے بلکہ انہوں نے فلسطینیوں کو دینی فرائض انجام دینے کے لئے اس مسجد میں داخل ہونے سے بھی بارہا روکا ہے۔