SAHAR

افغان طالبان کے ترجمان ذبیح اللہ مجاہد نے کہا ہے کہ طالبان نے صوبہ تخار کے شہر خواجہ غار پر قبضہ کر لیا ہے۔

ہماری پشتو سروس کی رپورٹ کے مطابق ذبیح اللہ مجاہد نے کہا ہے کہ طالبان نے پیر کی صبح حملہ کر کے خواجہ غار شہر پر قبضہ کر لیا ہے۔

افغان طالبان کے ترجمان کا مزید کہنا تھا کہ اس حملے میں افغان سیکورٹی فورسز کے متعدد اہلکار مارے گئے یا زخمی ہوگئے ہیں۔

ذبیح اللہ مجاہد نے کہا کہ خواجہ غار پر طالبان نے حملہ کر کے تین ٹینک، چھ گاڑیاں اور چند ہتھیار افغان سیکورٹی فورسز کے اہلکاروں سے بطور غنیمت حاصل کئے ہیں۔