SAHAR

پاکستان کے صوبہ پنجاب کے شہر ملتان میں دھماکے کے نتیجے میں مرنے والوں کی تعداد دس ہوگئی ہے۔

میڈیا رپورٹوں کے مطابق دھماکہ اتوار کی شام سات بجے کے قریب ملتان سٹی کے وہاڑی چوک پر ہوا جہاں بہت سارے مسافر رکشوں اور گاڑیوں میں بیٹھنے کے لئے کھڑے ہوئے تھے۔

دھماکے کے نتیجے میں کم سے کم دس افراد ہلاک جبکہ پچاس سے زائد زخمی ہوئے۔ ہلاک ہونے والوں میں دو خواتین اور ایک چار سالہ بچہ بھی شامل ہے۔ بعض میڈیا رپورٹوں میں زخمیوں کی تعداد انسٹھ بتائی گئی ہے۔
 ڈی سی او ملتان زاہد سلیم گوندل نے میڈیا سے گفتگو کرتے ہوئے کہا کہ دھماکے کی نوعیت کا جائزہ لیا جا رہا ہے جو فارنزک رپورٹ کے بعد ہی واضح ہوسکے گی۔ ان کا کہنا تھا کہ جائے وقوعہ سے دو مشکوک افراد کی لاشیں ملی ہیں، جن میں سے ایک خودکش حملہ آور اور دوسرا سہولت کار  ہوسکتا ہے۔
تاحال کسی گروپ نے واقعے کی ذمہ داری قبول نہیں کی ہے۔ پاکستان کے وزیراعظم نواز شریف نے ملتان بم دھماکے کی مذمت کی ہے۔