SAHAR

پاکستان میں سیکورٹی سے متعلق اہم قومی ادارے نے قومی ایکشن پلان پر اندرون سندھ عمل درآمد نہ ہونے پر تشویش کا اظہار کیا ہے۔

سیکورٹی سے متعلق ادارے نے اپنی رپورٹ میں کہا ہے کہ اندرون سندھ قومی ایکشن پلان کا وجود نظر نہیں آتا۔

مذکورہ ادارے کی رپورٹ میں کہا گیا ہے کہ اندرون سندھ امن کی بحالی کے لئے قومی ایکشن پلان کا دائرہ مزید موثر طریقے سے بڑھانے کی ضرورت ہے۔

پاکستانی میڈیا نے مذکورہ ادارے کی رپورٹ کا حوالہ دیتے ہوئے کہا ہے کہ ایک ایسے وقت میں جب اندرون سندھ کالعدم تنظیموں نے محفوظ پناہ گاہیں بنالی ہیں، قومی ایکشن پلان کا کوئی اثر نظر نہیں آتا۔ رپور ٹ میں کہا گیا ہے کہ پلان پر عمل نہ ہونا سیکورٹی کے لئے خطرہ ہے۔