ترکمانستان کے صدر پاکستان پہنچ گئے۔
Mar ۱۶, ۲۰۱۶ ۱۲:۲۸ Asia/Tehran
ترکمانستان کے صدر قربان علی محمد اوف سرکاری دورے پر پاکستان پہنچ گئے۔
پاکستانی وزیراعظم نواز شریف نے ترکمانستان کے صدر قربان علی محمد اوف کا نور خان ایئربیس پر پرتپاک استقبال کیا۔
ترکمانستان کے صدر اسلام آباد میں اپنے قیام کے دوران پاکستان کے وزیراعظم نواز شریف اور صدر ممنون حسین سے ملاقات کریں گے جس میں دو باہمی دلچسپی کے معاملات تبادلہ خیال کیا جائے گا۔
ترکمانستان کے صدر کا یہ دورہ دونوں ممالک کے لیے تاپی گیس پائپ لائن منصوبے کے تناظر میں اہمیت کے حامل ہے۔
تاپی گیس پائپ لائن منصوبے میں ترکمانستان، افغانستان، پاکستان اور ہندوستان شامل ہیں۔
صدر قربان علی بردی محمدوف کے حالیہ دورے میں تاپی منصوبے کے علاوہ پاکستان کو بجلی کی فراہمی کے بارے میں بھی بات چیت ہوگی۔
