SAHAR

پاکستان کے وزیراعظم نوازشریف نے کہا ہے کہ دہشتگردوں اور سڑکوں پر دھرنا دینے والوں کا ایجنڈا پاکستان کی ترقی اور خوشحالی کو روکنا ہے

پاکستان کے وزیراعظم نوازشریف نے سکھر میں موٹروے کےسنگ بنیاد کی تقریب سےخطاب کرتے ہوئے کہا کہ دہشت گرد پاکستان کی ترقی اور خوشحالی کو روکنا چاہتے ہیں اور چوراہوں پر دھرنا دینے والوں اور انتشار پھیلانے والوں کا بھی یہی ایجنڈا ہے-ان کا کہنا تھا کہ دونوں ہی پاکستان میں افراتفری پھیلانا چاہتے ہیں -

نوازشریف نے پاکستان تحریک انصاف کے اسلام آباد دھرنے کی طرف اشارہ کرتے ہوئے کہا کہ اگر دھرنوں کی یہ سیاست نہ ہوتی تو سکھر ملتان موٹر وے کا یہ منصوبہ بہت پہلے شروع ہو چکا ہوتا -

انہوں نے اقتصادی راہداری منصوبے پر چین کا شکریہ ادا کرتے ہوئے پاکستان تحریک انصاف کو تنقیدکا نشانہ بنایا اور کہا کہ یہ سرمایہ کاری دھرنوں کی وجہ سے تاخیر کا شکار ہوئی۔

واضح رہے کہ سکھر ملتان موٹروے پروجیکٹ پر پاکستان اور چین کے اقتصادی راہداری منصوبےکے تحت کام کیا جا رہا ہے جو دوہزار سترہ میں مکمل ہو جائے گا-