SAHAR

پاکستانی فوج کے سربراہ جنرل راحیل شریف نے اپنے ملک کی فضائی حدود میں امریکی ڈرون حملوں پر سخت تشویش کا اظہار کیا ہے۔

میڈیا رپورٹوں کے مطابق جنرل راحیل شریف نے جنرل ہیڈکوارٹر میں امریکی سفیر کے ساتھ ایک ملاقات میں کہا کہ ڈرون حملہ پاکستان کی خودمختاری کی خلاف ورزی اور دو طرفہ تعلقات کے لئے نقصان دہ ہے۔

ان کا کہنا تھا کہ پاکستان کی حدود میں امریکہ کے ڈرون حملے علاقائی استحکام اور امن کے لئے بھی مددگار ثابت نہیں ہوں گے۔

قابل ذکر ہے کہ امریکہ نے بائیس مئی کو پاکستان کے صوبہ بلوچستان میں افغان طالبان کے سرغنہ ملا اختر منصور کی گاڑی کو نشانہ بنایا تھا۔ جس پر پاکستانی حکام نے امریکہ سے شدید احتجاج کیا ہے۔