SAHAR

پاکستان کےصوبہ بلوچستان کے وزیرداخلہ سرفرازبگٹی نے کہا ہے کہ افغان انٹیلی جنس کے چھے اہلکاروں کو گرفتارکرلیا گیا ہے

ڈان نیوز کے مطابق کوئٹہ میں ایک پریس کانفرنس میں سرفرازبگٹی نے دعوی کیا کہ افغان انٹیلی جنس کے گرفتار اہلکاروں نے پاکستان میں عام شہریوں کو نشانہ بنایا ہے - اس موقع پر بلوچستان کے صوبائی وزیرداخلہ نے میڈیا کے سامنے گرفتار افغان اہلکاروں کی ویڈیو بھی پیش کی جس میں مبینہ طور پر مختلف دھماکوں کا اعتراف کرتے ہوئے دکھایا گیا ہے -

بلوچستان کے صوبائی وزیرداخلہ نے کہا کہ اب افغان مہاجرین کے پاکستان سے جانے کاوقت آگیا ہے اور افغان مہاجرین عزت کے ساتھ چلے جائیں - انہوں نے کہا کہ اگر افغان مہاجرین عزت سے گئے تو ٹھیک ہے بصورت دیگر انہیں زبردستی نکال دیا جائے گا -