پاکستان : آرمی چیف کی پارا چنار میں زخمیوں کی عیادت
Jan ۲۲, ۲۰۱۷ ۱۳:۵۹ Asia/Tehran
پاکستان کےآرمی چیف جنرل قمرجاوید باجوہ زخمیوں کی عیادت کیلئے پارا چنار پہنچ گئے۔
پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف جنرل قمر جاوید باجوہ ، پارا چنار دھماکے میں متاثر افراد کی عیادت اور شہداء کے اہل خانہ سے تعزیت کیلئے کرم ایجنسی کے علاقے پارا چنار پہنچ گئے ہیں۔
ترجمان کے مطابق پارا چنار آمد پر آرمی چیف نے علاقے کے قبائلی عمائدین سے بھی ملاقاتیں اور پارا چنار میں ایجنسی ہیڈ کوارٹراسپتال کا دورہ کر کے گزشتہ روز دھماکے میں زخمی ہونے والوں کی عیادت کی۔ آرمی چیف کی پارا چنار آمد پر سیکیورٹی کے سخت ترین انتظامات کیے گئے ہیں۔
کل ہفتہ کے روز پارا چنار کی سبزی منڈی میں ہونے والے دھماکے میں 25 افراد شھید جب کہ 50 سے زائد زخمی ہوئے تھے۔واقعہ کے خلاف پاکستان بھر میں شدید احتجاج کیا جا رہا ہے۔
