SAHAR

پاکستان کے سابق صدر اور پیپلز پارٹی کے شریک چیئرمین آصف علی زرداری نے کہا ہے کہ نوازشریف نے اپنے سیاسی مخالفین سے ڈر کر استعفا دیا ہے

تسنیم نیوزایجنسی کی رپورٹ کے مطابق پاکستان کے سابق صدر آصف علی زرداری نے بدھ کو اپنے ایک بیان میں کہا کہ پاناماکیس معاملے میں عدالتی کارروائیوں کے آگے بڑھتے ہی نوازشریف نے اپنے سیاسی مخالفین منجملہ عمران خان سے ڈر کر استعفا دیا ہے - پاکستان پیپلزپارٹی آئندہ برس ہونے والے عام انتخابات کے لئے خود کو ایک عرصے سے تیار کررہی ہے -پاناکیس معاملے میں جے آئی ٹی کی رپورٹ آنے کے بعد عدالت نے نوازشریف کو نااہل قراردے دیا تھا جس کے بعد انہیں وزارت عظمی کا عہدہ چھوڑنا پڑا تھا تاہم گذشتہ ہفتے حکمراں مسلم لیگ نون نے نوازشریف کو دوبارہ پارٹی کا صدر منتخب کرلیا ہے -