بلوچستان میں تکفیری دہشتگردوں کے خلاف آپریشن
آئی ایس پی آر کے مطابق ردالفساد کے تحت بلوچستان کے مختلف علاقوں میں انٹیلی جینس بیسڈ آپریشن کے دوران ایک دہشت گرد ہلاک ہوا جب کہ 11 کو گرفتار کر لیا گیا۔
پاکستانی فوج کے شعبہ تعلقات عامہ (آئی ایس پی آر) کے مطابق ملک بھر میں جاری رد الفساد کے تحت ایف سی بلوچستان نے صوبے کے مختلف علاقوں میں انٹیلی جنس بیسڈ آپریشن کیا، انٹیلی جنس بیسڈ آپریشن کوئٹہ، شیرازئی، سبی اور کاہان کے علاقوں میں کئے گئے۔ کارروائی کے دوران ایک دہشت گرد ہلاک جب کہ 11 دہشت گردوں کو گرفتار کرلیا گیا۔
آئی ایس پی آر کے مطابق آپریشن کے دوران آر پی جی راکٹس، سب مشین گنز اور مائنز سمیت اسلحہ و دھماکا خیز مواد بھی برآمد ہوا۔
واضح رہے کہ بلوچستان پاکستان کا وہ صوبہ ہے جہاں تکفیری دہشتگرد دندناتے پھرتےہیں اوردہشتگردوں کا ٹارگٹ شیعہ مسلمان اورسکیورٹی فورسزکے اہلکارہیں۔ تکفیری دہشتگردوں کی دہشتگردانہ سرگرمیاں اس صوبے میں اس حد تک بڑھ گئی ہیں کہ کوئٹہ تفتان روٹ پرایران اورعراق جانے والے زائرین کو فوجی دستوں کی سکیورٹی میں روانہ کیا جاتاہے۔
