SAHAR

کوئٹہ کے علاقے مغربی بائی پاس کے قریب ہیلی کاپٹر گر کر تباہ ہو گیا جس کے نتیجہ میں ایک ایف سی اہلکار ہلاک اور6 افراد زخمی ہو گئے۔ امدادی ٹیموں نےفوری طور پر زخمیوں کو قریب واقع اسپتال منتقل کیا۔

آئی ایس پی آر کے مطابق پاکستان آرمی ایوی ایشن کا ہیلی کاپٹر کوہلو سے کوئٹہ آ رہا تھا کہ کریش لینڈنگ کے دوران گر کر تباہ ہو گیا ۔ ریسکیو ذرائع کے مطابق ہیلی کاپٹر میں فنی خرابی پیدا ہو گئی تھی جس کے پیش نظر پائلٹ نے کریشن لینڈنگ کی کوشش کی اس دوران ہیلی کاپٹر گر کر تباہ ہو گیا اور اس میں آگ بھڑک اٹھی۔

حادثے کے بعد پولیس اور سیکیورٹی فورسز نے علاقے کو حفاظتی حصار میں لے لیا جبکہ ریسکیو ٹیمیں بھی جائے حادثہ پہنچ گئیں اور زخمیوں کو قریب واقع اسپتال منتقل کیا ۔