پاکستان کسی کی جنگ نہیں لڑے گا: عمران خان
Dec ۲۳, ۲۰۱۸ ۰۸:۴۳ Asia/Tehran
عمران خان نے کہاہے کہ اپوزیشن کی تمام باتیں ماننے کو تیار ہیں لیکن احتساب سے پیچھے نہیں ہٹیں گے۔
لاہور میں تقریب سے خطاب کے دوران پاکستان کے وزیراعظم عمران خان کا کہنا تھا کہ ہم امن کے داعی ہیں اور امن کے لیے جو کردار ادا کر سکتے ہیں کریں گے، جہاں بھی ضرورت پڑی پاکستان ثالثی کا کردار ادا کرے گا، پاکستان کی فوج اب کسی اور کی جنگ نہیں لڑے گی، امداد کے بدلے ہمیں کوئی جنگ نہیں لڑنی۔
انہوں نے کہا کہ میں پاکستان کو خوددار دیکھنا چاہتا ہوں، جب آپ امداد یا قرضہ لیتے ہیں تو اپنی خودمختاری کھو بیٹھتے ہیں۔
عمران خان نے کہا کہ پاکستان مشکل وقت سے نکل گیا ہے یقین دلاتا ہوں کہ ہم مل کر کام کریں گے۔
