پاک و ہند کشیدگی خطے کےمفاد میں نہیں: ملیحہ لودھی
Mar ۰۵, ۲۰۱۹ ۰۸:۰۴ Asia/Tehran
ہندوستان وپاکستان کے مابین ہر چند کہ پلوامہ حملے کے بعد کشیدگی میں کمی آئی ہے تاہم دونوں ممالک کے مابین بدستور مسئلہ کشمیر تنازع کا باعث ہے۔
اقوام متحدہ میں پاکستان کی مستقل مندوب ڈاکٹر ملیحہ لودھی نے امریکی نشریاتی ادارے کو انٹرویو دیتے ہوئے کہا کہ مسئلہ کشمیرحل کیے بغیربرصغیرمیں دیرپا امن کا حصول ممکن نہیں ہے۔
انہوں نے کہا کہ پاک و ہند کشیدگی خطے کے وسیع ترمفاد میں نہیں ہے۔
ملیحہ لودھی کا کہنا تھا کہ پاکستان افغانستان میں امن کی بحالی دیکھنا چاہتا ہے جب کہ ہندوستان کے ساتھ تناؤسے افغان امن کی کوششوں پر اثرات پڑسکتے ہیں۔
واضح رہے کہ دونوں ملکوں کے تعلقات پلوامہ حملے کے بعد سخت متاثر ہوئے اور نوبت جنگ تک پہنچی تھی۔
