ٹرمپ ایرانی حکام کی استقامت سے حیران ہے: وِٹکوف

Feb ۲۲, ۲۰۲۶ ۱۹:۳۱ Asia/Tehran

اسلامی جمہوریہ ایران کے ساتھ جوہری مذاکرات کے لیے امریکی صدر کے خصوصی ایلچی اسٹیو وٹکوف نے فاکس نیوز سے گفتگو کرتے ہوئے کہا ہے کہ امریکی صدر ڈونلڈ ٹرمپ ایرانی حکام کی استقامت سے حیران و پریشان ہیں۔

سحرنیوز/دنیا: موصولہ رپورٹ کے مطابق امریکی صدر کے خصوصی ایلچی اسٹیو وٹکوف نے اس انٹرویو میں اعتراف کیا کہ صدر ٹرمپ کا کہنا ہے کہ اتنے دباؤ اور بحری طاقت کی موجودگی کے باوجود ایران ہتھیار ڈالنے کا اعلان کیوں نہیں کر رہا۔ اسٹیو وٹکوف نے کہا کہ میں ہتھیار ڈالنے کا لفظ استعمال نہیں کرنا چاہتا، لیکن امریکی صدر یہ جاننے کے لیے بے چین ہیں کہ ایران نے ابھی تک ہتھیار کیوں نہیں ڈالے۔

ہمیں فالو کریں:

مشرق وسطیٰ کے لیے ٹرمپ کے خصوصی ایلچی نے بغیر کوئی ثبوت پیش کیے دعویٰ کیا کہ ایران صنعتی درجے کی افزودہ یورینیم حاصل کرنے اور اس مواد کو جوہری بم بنانے سے شاید ایک ہفتے کے فاصلے پر ہے ۔