SAHAR

پاکستان کے دورے پر آئے جرمن وزیر خارجہ ہائیکوماس نے اس ملک کےوزیراعظم سے ملاقات کی جس میں خطے کی صورتحال سمیت اہم امور پر گفتگو کی گئی۔

اس ملاقات میں پاکستان کے وزیراعظم عمران خان نے جرمن وزیر خارجہ سے گفتگو کرتے ہوئے کہا کہ پاکستان تمام تصفیہ طلب مسائل کا حل مذاکرات کے ذریعے چاہتا ہے۔ ملاقات میں پاک جرمنی دو طرفہ تعلقات اور پاک و ہند کشیدگی کے حوالے سے بھی تبادلہ خیال کیاگیا۔

اس سے قبل جرمن وزیر خارجہ ہائیکوماس نے اپنے پاکستانی ہم منصب شاہ محمود قریشی سے بھی ملاقات کی جس میں دو طرفہ تعلقات، خطے میں امن وامان کی صورتحال اور افغانستان میں قیام امن سمیت مختلف امور پر تبادلہ خیال کیا گیا۔

اس موقع پرشاہ محمود قریشی نے کہا کہ پاکستان خطے میں امن کا خواہاں ہے اور اسی جذبہ خیر سگالی کے تحت ہندوستانی پائلٹ کو انڈیا کے حوالے کیا۔