SAHAR

پاکستان کے سابق صدر آصف علی زرداری نے منی لانڈرنگ کیس کی منتقلی کا عدالتی فیصلہ چیلنج کر دیا ہے

پاکستان کے سابق صدر اور پیپلز پارٹی کے شریک چیئرمین آصف علی زرداری اور ان کی ہمشیرہ فریال تالپور نے میگا منی لانڈرنگ کیس اسلام آباد منتقلی کے فیصلے کو سندھ ہائی کورٹ میں چیلنج کر دیا۔آصف علی زرداری اور فریال تالپور بینکاری عدالت کے فیصلے کے خلاف درخواست دائر کرنے کے لیے اپنے وکلاء کے ہمراہ سندھ ہائی کورٹ پہنچے جہاں سیکیورٹی کے انتہائی سخت انتظامات کیے گئے تھے۔درخواست میں موقف اختیارکیا گیا ہے کہ مقدمہ کراچی سے منتقل کرنے کے احکامات غیرقانونی ہیں۔واضح رہے کہ بینکنگ کورٹ نے جمعے کے روز میگا منی لانڈرنگ کیس کراچی سے اسلام آباد منتقل کرنے کی اجازت دی تھی۔

عدالت کے اس فیصلے کے بعد نیب نے آصف زرداری اور بلاول بھٹو زرداری کو بیس مارچ کو طلب کیا ہے۔