مدھیہ پردیش: اندور کے بھاگیرتھ پورہ میں آلودہ پانی سے مزید دو ہلاک، کل اموات 35 ہو گئیں
اندور کے بھاگیرتھ پورہ میں آلودہ پانی پینے سے دو مزید افراد ہلاک، اموات 35 ہو گئیں۔ کانگریس نے حکومت کو ذمہ دار ٹھہرایا، انتظامیہ کی طرف سے کوئی باضابطہ بیان جاری نہیں ہوا۔
سحرنیوز/ہندوستان: بھوپال، مدھیہ پردیش کے شہر اندور کے علاقے بھاگیرتھ پورہ میں آلودہ پانی پینے سے مزید دو افراد ہلاک ہو گئے، جس کے بعد ہلاکتوں کی مجموعی تعداد 35 تک پہنچ گئی ہے۔ یہ واقعہ ایسے وقت میں سامنے آیا ہے جب اندور کو ملک کے صاف ترین شہروں میں شمار کیا جاتا رہا ہے، مگر آلودہ پانی کی وجہ سے شہریوں کی جانیں ضائع ہونا تشویش کا باعث بنا ہے۔
اطلاعات کے مطابق پیر کی رات 75 سالہ شالیگرام ٹھاکر اور منگل کی صبح دو سالہ ریا پرجاپتی نے دم توڑ دیا۔ شالیگرام کو قے اور دست کی شکایت کے بعد 2 جنوری کو شیلبی اسپتال میں داخل کیا گیا، بعد ازاں انہیں بمبئی اسپتال منتقل کیا گیا جہاں چند دن علاج کے بعد ڈسچارج کیا گیا۔ مونا ٹھاکر کے مطابق شالیگرام کو 18 سال قبل فالج ہوا تھا، تاہم اس کے علاوہ کوئی سنگین بیماری لاحق نہیں تھی۔ بمبئی اسپتال کے جنرل منیجر راہل پراشر نے کہا کہ مریض کو دل کی بھی کچھ مسائل درپیش تھے۔
ہمیں فالو کریں:
Follow us: Facebook,X,instagram,tiktok,whatsappchannel
اس واقعے سے علاقے میں پانی کی کوالٹی پر سوالات اٹھ گئے ہیں اور شہری انتظامیہ سے فوری اقدامات کا مطالبہ کر رہے ہیں۔ کانگریس نے حکومت کو ذمہ دار قرار دیا ہے، جبکہ انتظامیہ کی طرف سے ابھی تک کوئی باضابطہ بیان جاری نہیں ہوا۔
