SAHAR

اسلام آباد ہائی کورٹ نے سابق صدر آصف زرداری اور ان کی بہن فریال تالپور کی عبوری ضمانت میں ایک بار پھر توسیع کر دی۔

پاکستانی میڈیا کے مطابق بدھ کو سابق صدر آصف علی زرداری اپنی ہمشیرہ فریال تالپور کے ہمراہ عبوری ضمانت میں توسیع کے لیے اسلام آباد ہائی کورٹ پہنچے۔
عدالت نے اس معاملے کی سماعت کے دوران دونوں کی عبوری ضمانت میں انتیس اپریل تک توسیع کر دی۔
واضح رہے کہ گزشتہ سماعت پر آصف زرداری اور فریال تالپور کو دس اپریل تک عبوری ضمانت دی گئی تھی۔
گزشتہ سماعت پر عدالت نے آصف زرداری کی درخواست پر نیب کو شق وار جواب داخل کرانے کا حکم دیا تھا اور آصف زرداری اور فریال تالپور کو ہر سماعت پر حاضری یقینی بنانے کی ہدایت بھی کی تھی۔