SAHAR

پاکستان کے مذہبی امور کے وزیر نے کہا ہے کہ مختلف فرقوں میں بٹنے کی بجائے وحدت ضروری ہے۔

پاکستان کےوفاقی وزارتِ مذہبی امور میں منعقدہ محرم الحرام کے حوالے سے منعقد ہونے والے اجلاس  کے بعد وزیرِ مذہبی امور نورالحق قادری نے کہا کہ محرم الحرام  میں اتحاد و وحدت ضروری ہے اور انبیائے کرام، اہلِ بیت اطہار اورصحابۂ و اولیائے کرام کی عزت و تکریم کو یقینی بنایا جائے ۔

انہوں نے کہا کہ تمام مکاتبِ فکر محبت اور رواداری کو فروغ دیں، ایک دوسرے کے اکابرین کے بارے میں احترام کیا جائے، علماو مقررین اپنی تقریروں میں اشتعال سے گریز کریں اور میڈیا نفرت پھیلانے والے لوگوں کو موقع نہ دے۔

وفاقی وزارتِ مذہبی امور میں منعقدہ اہم اجلاس میں مختلف مکاتبِ فکر کے علماء نے شرکت کی۔