پاکستان میں کورونائی دیو کمزور پڑ گیا
Aug ۱۲, ۲۰۲۰ ۱۲:۴۲ Asia/Tehran
پاکستان میں کورونا میں مبتلا ہونے والے افراد کی تعداد میں مسلسل کمی ہونے کا سلسلہ جاری ہے اور اس ملک میں کورونا کا زور ٹوٹتا دکھائی دے رہا ہے۔
نیشنل کمانڈ اینڈ آپریشن سینٹر کے تازہ ترین اعداد و شمار کے مطابق گزشتہ 24 گھنٹوں کے دوران مہلک وائرس نے 17 افراد کی جان لی جس کے بعد اموات کی مجموعی تعداد 6 ہزار 129 ہو گئی۔
پاکستان میں کورونا کے مزید 730 نئے کیسز رپورٹ ہوئے جس کے بعد تصدیق شدہ کیسز کی تعداد 2 لاکھ 85 ہزار 921 ہو گئی۔
کورونا وائرس دنیا بھر میں 7 لاکھ 41 ہزار زندگیاں لے گیا۔ امریکا میں مریضوں کی تعداد 52 لاکھ 69 ہزار سے زیادہ ہو گئی جبکہ ہندوستان میں ایک دن میں 53 ہزار افراد میں وائرس کی تصدیق ہوئی ہے۔
دنیا بھر میں 2 کروڑ 3 لاکھ کورونا وائرس کے مریضوں میں سے ایک کروڑ 32 لاکھ سے زیادہ افراد صحت یاب ہو چکے ہیں۔