SAHAR

پاکستان کرکٹ بورڈ نےسابق کپتان یونس خان کو قومی ٹیم کا بیٹنگ کوچ مقرر کردیا ہے۔

اسپورٹس نیوز کے مطابق یونس خان کی تقرری کم از کم دو سال کے لیے عمل میں آئی ہے۔ وہ سن دو ہزار بائیس میں ہونے والے ٹی ٹوئنٹی ورلڈ کپ تک پاکستانی ٹیم کے بیٹنگ کوچ رہیں گے۔
یونس خان کی کپتانی میں پاکستان نے دو ہزار نو کے ٹی ٹوئنٹی ورلڈ کپ میں چیمپیئن بننے کا اعزاز بھی حاصل کیا تھا۔
یونس خان نے ذمے داری دینے پر پی سی بی کا شکریہ ادا کرتے ہوئے کہا کہ وہ ایک طویل مدت کے لیے پاکستان کرکٹ کے سیٹ اپ میں شمولیت پر خوش ہیں۔
انہوں نے اپنے مداحوں کے نام پیغام میں کہا ہے کہ ہمیں مطلوبہ نتائج کے حصول کے لیے بہت محنت اور تحمل کی ضرورت ہے۔
پاکستانی ٹیم کے سابق کپتان نے کہا کہ وہ ڈومیسٹک سطح پر کام کرنے میں بھی دلچسپی رکھتے ہیں تاکہ بلے بازوں کی صلاحیتوں کو نکھارا جا سکے۔