پاکستان میں کورونا پابندیوں میں نرمی
Jun ۱۵, ۲۰۲۱ ۲۰:۰۳ Asia/Tehran
پاکستان میں منگل سے کورونا پابندیوں میں نرمی کا آغاز ہوگیا ہے۔
پاکستان کے کورونا کمانڈ اینڈ آپریشن سینٹر نے منگل سے ملک بھر میں کورونا پابندیوں میں نرمی کی اجازت دے دی ہے۔
رپورٹوں میں بتایا گیا ہے کہ کورونا پابندیوں میں اعلان کی جانے والی نرمی کے مطابق اب دفاتر میں سو فیصد حاضری کی اجازت ہے ۔
اسی کے ساتھ شہروں کی مقامی انتظامیہ کو اس بات کی بھی اجازت دے دی گئی ہے کہ بازار ہفتے میں صرف ایک دن بند کئے جائیں ۔
پاکستان کے کورونا کمانڈ اینڈ آپریشن سینٹر نے اعلان کیا ہے کہ ملک میں گزشتہ چوبیس گھنٹے میں کورونا کے آٹھ سو اڑتیس نئے مریضوں اور انسٹھ اموات کا اندراج کیا گیا۔
